Stórsýningin Netið 2010 í Smáralind um helgina: Nýjungar, þjónusta og möguleikar
pressan.is 09. mar. 2010 - 17:00
Stórsýningin Netið 2010 í Smáralind um helgina: Nýjungar, þjónusta og möguleikar
Markmið sýningarinnar er að kynna nýjungar, þjónustu og möguleika sem eru í boði á íslenskum netmarkaði.
Fjölmörg fyrirtæki munu kynna sína þjónustu, allt frá vefsíðum og hönnun til upplýsingaveita og viðskipta.Netið er vaxandi þjónustu-, samskipta- og viðskiptamiðill þar sem öryggi og traust milli neytenda og þjónustuaðila verður sífellt mikilvægari. Á sýningunni verða kynntar spennandi nýjungar á netmarkaðnum, nokkur sprotafyrirtæki kynna afurðir sína og sýna fram á hvernig lítil hugmynd hefur orðið til þess að fyrirtækin eiga nú í viðskiptum út um allan heim.
Fyrirtækin munu mörg hver gefa afslætti af vörum sínum, í gangi verður happdrætti og á boðstólnum verða tónlistaratriði og margt fleira. Bylgjan verður í beinni útsendingu frá Vetrargarðinum.Skipuleggjendur sýningarinnar eru Silent Company ehf í samstarfi við Vodafone, Mílu, Hvíta Húsið og Pressan.is og er vefsíða sýningarinnar www.netid2010.is.
